Тошкентда Сейсмик хавфсизлик ва барқарор қурилиш институти ташкил этилади

2025 йил 20 октябрдаги президент қарорига мувофиқ, Тошкент архитектура-қурилиш университети ҳузурида Сейсмик хавфсизлик ва барқарор қурилиш миллий тадқиқот институти фаолияти йўлга қўйилади.

Қарорга кўра, институтининг асосий вазифалари қуйидагилардан иборат:

• сейсмик хавфсизлик ва барқарор қурилиш соҳасида илмий тадқиқотлар ўтказиш ва натижаларини амалиётга жорий этиш;
• лицензия талабларига мувофиқ шаҳарсозлик соҳасида лицензияланадиган фаолият турларини амалга ошириш;
• илмий ташкилотлар, жамғармалар, таълим муассасалари, шу жумладан, халқаро ва хорижий ташкилотлар билан ҳамкорликда илмий тадқиқотлар олиб бориш.

Институт ўзини ўзи молиялаштириш тамойили асосида фаолият юритади ва кенгашлар назорати остида бўлади. Шунингдек, институтига илмий унвонлар ва даражалар берувчи кенгашлар тузиш ҳамда докторант ва мустақил изланувчиларни тайёрлаш ҳуқуқи берилди.