Ички бозорда маҳаллий цемент улуши ошгани сабаб импорт камайди

Миллий статистика қўмитаси маълумотларига кўра, 2025 йилнинг январ–сентябр ойларида Ўзбекистонга жами 13 та хорижий давлатдан 72 минг тонна цемент импорт қилинган. Импорт қилинган цементнинг умумий қиймати 4,4 миллион АҚШ долларини ташкил этган.

Расмий статистикага мувофиқ, цемент импорти ҳажми ўтган йилнинг мос даврига нисбатан 548,1 минг тоннага камайган. Бу кўрсаткич 8,6 баробарлик пасайишни англатади.

Жорий йилнинг 9 ойи давомида Ўзбекистонга энг кўп цемент етказиб берган давлатлар қуйидагилар бўлди:

• Қозоғистон – 33 739 тонна;
• Эрон – 31 218 тонна;
• Қирғизистон – 2 653 тонна;
• Тожикистон – 2 516 тонна;
• Россия – 1 152 тонна;
• бошқа давлатлар – 755 тонна.

Расмий маълумотлар цемент импорти ҳажмининг кескин қисқаргани ички бозорда маҳаллий маҳсулот улуши ортиб бораётгани билан изоҳланиши мумкинлигини кўрсатмоқда.