Ўзбекистон ўсмирлари Италияга ютқазиб, жаҳон чемпионатини тарк этди

Ўзбекистон ўсмирлар терма жамоаси Қатарда ўтаётган 17 ёшгача бўлган футболчилар ўртасидаги жаҳон чемпионатининг 1/8 финалида Италияга 2:3 ҳисобида ютқазди.

Биринчи тайм Италиянинг ташаббуси остида ўтди. 19-дақиқада Томас Кампаниелло дарвозабон Иброҳим Шокиров қайтарган тўпга биринчи бўлиб етиб келди ва дарвозани ишғол қилди.

Иккинчи таймда тенг курашлар кузатилди. 56-дақиқада Амирхон Муродов бурчак зарбасидан кейин ҳисобни тенглаштирди.

Ўйин тақдирини қисқа фурсатдаги хатолар ҳал қилди. 68- ва 70-дақиқада Кампаниелло ва Идрисса ҳимоячилар хатосидан фойдаланиб, ўз жамоасига ғалаба келтирувчи голларни урди.

Сўнгги дақиқаларда Азизбек Эримбетов ҳисобни қисқартира олди холос.

Шу тариқа бош мураббий Ислом Исмоилов шогирдларининг жаҳон чемпионатидаги иштироки якунланди.

U17 жаҳон чемпионати, 1/8 финал
18 ноябрь, Доҳа (Қатар), Aspire академияси
Италия U17 – Ўзбекистон U17 3:2

Голлар: Томас Кампаниелло (19, 68), Дауда Иддриса (70) – Амирхон Муродов (56), Азизбек Эримбетов (90+3)

Ҳакамлар: Иво Мендес, Сааведра Эдвар, Антелло Жезус (барчаси – Боливия)

Италия: Алессандро Лонгони, Дауда Иддриса, Винченцо Приско (Алессио Баралла 72), Лука Режани, Томас Кампаниелло, Самуэле Инасио, Дестини Элимогале (Симоне Лонтани 59), Давид Марини (Жан Мамбуку 59), Кристиано Де Паоли, Валерио Маккарони (Андреа Луонго 59), Федерико Стеффанони

Ўзбекистон: Иброҳим Шокиров, Мўминхон Баходирхонов, Амирхон Муродов, Садриддин Ҳасанов, Нурбек Сарсенбаев (Асилбек Алиев 66), Сайфиддин Содиқов (Жамшидбек Рустамов 74), Абдулмалик Анваров (Беҳруз Саидмуродов 74), Муҳаммадали Мусахонов, Азизбек Абдумўминов (Муҳаммад Ҳабибуллаев 46), Абубакир Шукуруллаев, Азизбек Эримбетов

Огоҳлантиришлар: Абубакир Шукуруллаев (25), Азизбек Абдумўминов (40)

Четлатиш: Асилбек Алиев (89)