Трампнинг «махфий режаси»: АҚШ Украина капитуляциясини хоҳлаяптими?

Шу кунларда Украинадаги урушни тугатиш бўйича АҚШнинг «тинчлик режаси» фаол муҳокама қилинмоқда. ОАВда сизиб чиқаётган хабарларга қараганда бу Вашингтоннинг эмас, Москванинг режасига ўхшайди. Чунки унда амалда Украина капитуляцияси кўзда тутилган.

{Yii::t(}

Ўтказиб юбориш 6s

Ўтказиб юбориш

Уиткофф ва Дмитриев режаси

Демак, урушни тугатиш бўйича бу галги режа муаллифи, диққат қилинг, Стивен Уиткофф! Ҳа, Путин билан учрашувга таржимонсиз бориб уни тушунмай қайтиб келган, Трампнинг миллиардер дўсти. Трамп Путин билан олти марта гаплашиб ҳам унинг нима демоқчи эканини тушунмаган жўрасига яна бир бор имкон берган кўринади. Режанинг Россия томондаги ҳаммуаллифи Киевда туғилган, ҳозир Путин маъмуриятида «муҳим одам сифатида» кўринишга уринаётган Кирилл Дмитриев.

Айтганча, Уиткоффнинг «саъй-ҳаракатлари билан» бу режанинг махфийлиги ҳам қолмади. Йирик нашрлар АҚШ ва Россия Украина тақдирини ҳал қилиш устида махфий иш олиб боргани ҳақида ёзиб чиқа бошлади. 68 ёшли Уиткофф эса Twitter’да яна «қовун туширди»: бир фойдаланувчининг гапига жавоб бериб «Улар бу маълумотларни K.дан олган бўлиши керак», деб ёзди. К. деб табиийки Кирилл Дмитриевни назарда тутди. Кўп ўтмай Уиткофф постини ўчириб юборди. Афтидан Трампнинг қурувчи дўсти кимгадир смс ёзяпман деб ўйлаган, қараса Twitter’да пост ёзиб юборган, қарилик қурсин.

Капитуляция талаби

Хуллас аллақачон йирик ОАВларда чиқиб кетган «рeжа»га кўра, Украина Россия уруш бошидан буён талаб қилаётган барча шартларни бажариши, хусусан, Донбассни тўлиқ Россияга топшириши, армиясини худди Путин талаб қилгандай қисқартириши, худди Путин истаганидай маълум қуроллардан воз кечиши, худди Путин истагандай рус тилини давлат тили қилиши керак экан. Лекин Россия, Трампнинг режасига кўра, ҳеч қандай чекинишга бормаскан, фақат Украина ён бериши керак экан. Жаноблар, бу Кремлнинг «тинчлик режаси»ми ёки Оқ уйнинг?

Россия муваффақияти фонида

Бу «режа» ҳақида гап икки муҳим воқеа фонида рўй берди: Россиянинг фронтдаги муваффақиятли юриши ва Украинадаги коррупцион можаро фонида. Россия Украина шарқини аста-секин эгаллаётгани бир вақтда табиийки шарт қўя бошлайди. АҚШ Украинани ҳатто эшитмаётгани эса катта эҳтимол Киевда йирик коррупцион можаро авж олгани билан боғлиқ.

Ўткир Жалолхонов тайёрлади
Тасвирчи ва монтаж устаси — Фахриддин Ҳотамов