Қўшимча функционаллар
-
Тунги кўриниш
Евроиттифоқ АҚШнинг Украина бўйича режасига қарши чиқди – Reuters
Аввалроқ Axios портали Вашингтон Европадаги иттифоқдошлари ва Киев билан Украина можаросини ҳал қилиш бўйича Америка томони ишлаб чиқаётган янги режани муҳока қилишни бошлагани ҳақида хабар берганди.
Фото: Getty images
Евроиттифоқ мамлакатлари Украина можаросини ҳал қилиш бўйича АҚШ илгари сураётган режага қарши чиқди, деб хабар берди Reuters агентлиги ўз манбаларига таяниб.
Манбаларнинг билдиришича, режада ҳудудий ён беришларва Украинанинг қисман қуролсизланиши кўзда тутилган. Брюсселда йиғилган ЕИ ташқи ишлар вазирлари АҚШнинг режасига батафсил изоҳ бермаган, лекин Киевни мажбурлайдиган ён беришларни қабул қилмасликларини билдирган.
Агентликнинг қайд этишича, АҚШ дипломатиясининг фаоллашуви коррупцион можаро боис Киев ноқулай аҳволда қолган вақтга тўғри келган.
18 ноябр куни Axios портали Вашингтон Европадаги иттифоқдошлари ва Киев билан Украина можаросини ҳал қилиш бўйича Америка томони ишлаб чиқаётган янги режани муҳока қилишни бошлагани ҳақида хабар берганди.
Россия президентининг матбуот котиби Дмитрий Песков Украина можаросини ҳал қилиш масаласида Путин ва Трампнинг Аляскада эришган келишувларидан ташқари ҳеч қандай қўшимчалар йўқлигини билдирди.
