Эрон президенти пойтахтни Теҳрондан кўчирмоқчи

Эрон президенти Масъуд Пизишкиён пойтахтни Теҳрондан кўчириш заруратга айланганини айтди, деб хабар берди Fars агентлиги.

Пизишкиён Теҳрондаги кескин вазият ҳақида огоҳлантирди: «Биз ҳар куни ер 30 сантиметрга чўкади десак, бу фалокатни англатади». У расмийларни биргаликда ҳаракат қилишга чақирди, акс ҳолда, унинг сўзларига кўра, мамлакатни «қоронғу келажак» кутмоқда.

Унинг сўзларига кўра, илгари бюджет чеклангани сабабли бундай лойиҳани амалга ошириш мумкин эмас эди, бироқ ҳозир вазият қатъий чоралар кўришни талаб қилмоқда: «Пойтахтни кўчириш - бу мажбурий чора».

Аввалроқ, 2024 йилда Пизишкиён пойтахтни Эроннинг жанубий қирғоғига яқинроқ жойга кўчириш зарурлигини ҳам таъкидлаган эди. Чунки, Теҳрон сув танқислиги, ҳавонинг ифлосланиши ва тупроқнинг чўкиши каби долзарб муаммоларга дуч келмоқда.

Таъкидлаш жоизки, Эронда пойтахтни кўчириш ғояси биринчи марта муҳокама қилинаётгани йўқ: 2013 йилда Ислом кенгаши тегишли режани маъқуллаган эди.

Аввалроқ, Эрон ҳукумати мамлакатда сунъий ёмғир чақириш мақсадида булутларга реагентлар сепишни бошлаганини маълум қилганди.