Самарқандда икки суд раиси ишдан олинди

Судялар олий кенгаши қарорига мувофиқ Самарқанд вилоятидаги икки суд раиси лавозимидан озод қилиниб, уларнинг судялик ваколатлари муддатидан илгари тугатилди.

Иллюстратив фото

Расмий маълумотга кўра, Самарқанд вилояти жиноят ишлари бўйича Самарқанд туман судининг раиси Н.Ражабов одил судловни амалга ошириш чоғида қонунийликни бузганлиги учун, шунингдек ёзма аризаси асосида лавозимидан озод этилган ва судялик ваколати муддатидан илгари тугатилган.

Шунингдек, Самарқанд вилояти Самарқанд туманлараро маъмурий судининг раиси С. Солиев Судялар одоби кодекси талабларини бузганлиги учун лавозимидан озод қилиниб, судялик ваколати муддатидан илгари тугатилди.

Маълумот Судялар олий кенгаши матбуот хизмати томонидан тақдим этилди.