“АҚШ Венесуэлани бошқаради” – Трамп

У матбуот анжуманида операция тафсилотлари, Мадуро ва Венесуэла келажаги борасида қатор баёнотлар берди. 

“Биз адолатни тикладик. Менинг буйруғим билан АҚШ қуролли кучлари Каракасда мисли кўрилмаган ҳарбий операция ўтказди”, деди Трамп.

АҚШ президентининг сўзларига кўра, Мадуро тонгга яқин қўлга олинган.

“Биз Мадурони зулматда қўлга олдик, Каракасда электр ўчириб қўйилганди. У ва унинг хотини Америка адолати билан юзлашади”, деди АҚШ етакчиси.

У операция идеал тарзда ўтказилганини таъкидлади.

“Ярим тун болғаси” операцияси идеал ўтди. Бундай операция Иккинчи жаҳон уруши давридан буён бўлмаганди. Биз мамлакатимиз тарихида муваффақиятсиз ўтказилган шундай рейдларни кўрганмиз. Афғонистондаги вазиятни ёки Жимми Картер (1970-йиллардаги АҚШ президенти) даврини эсланг”, деди Трамп.

“Ҳокимият хавфсиз, муносиб ва оқилона тарзда бошқа қўлга ўтгунига қадар АҚШ Венесуэлани бошқаради”, деб таъкидлади у.