Қорли об-ҳаво: Тошкентда йўл ҳаракатида хавфсизлик кучайтирилмоқда

Пойтахтда қор ёғаётгани сабаб йўлларда хавфсизликни таъминлаш ва кўнгилсиз ҳодисаларнинг олдини олиш мақсадида ҳайдовчилардан ҳаракат қоидаларига қатъий риоя қилиш, тезликни оширмаслик ва масофани сақлаш сўралди.

Фото: Kun.uz

Айни дамда Тошкент шаҳрида қорли об-ҳаво кузатилмоқда. Шу муносабат билан Тошкент шаҳар ИИББ ЙҲХБ ахборот хизмати йўлларда хавфсизликни таъминлаш ва эҳтимолий кўнгилсиз ҳодисаларнинг олдини олиш мақсадида пойтахт аҳолиси ҳамда меҳмонларидан ҳаракат қоидаларига қатъий амал қилишни сўрамоқда.

Хусусан, ҳайдовчилардан:

йўл ҳаракати қоидаларига қатъий риоя қилиш;
оралиқ масофани сақлаш;
тезликни белгиланган меъёрдан оширмаслик;
йўлларда ҳаракатланаётган пиёдаларга ҳурмат билан муносабатда бўлиб, эҳтиёткорлик билан ҳаракатланиш сўралди.

Шунингдек, хавфсизлик нуқтаи назаридан автомобилларни кўп қаватли бино ва иншоотлар, шу жумладан дарахтлар тагида қолдирмаслик, транспорт воситаларини имкониятдан келиб чиқиб махсус тураргоҳларда сақлаш тавсия этилди.

Тайёрлаган: Отабек Матназаров

#Тошкент #об-ҳаво