Айрим шаҳарлараро поездлар қатнови вақтинча бекор қилинди

Айрим шаҳарлараро йўналишларда қатновчи йўловчи поездлари ҳаракатида вақтинчалик ўзгаришлар киритилган.

Фото: Транспорт вазирлиги

Хусусан, 2026 йил 26 январ куни 6412/6411 сонли «Тошкент – Ховос – Тошкент» йўналишида қатновчи йўловчи поездлари қатнови вақтинча бекор қилинади.

Шунингдек, 2026 йил 26 январдан 4 февралга қадар 6414/6413 сонли «Тошкент – Гулистон – Тошкент» шаҳарлараро йўналишида қатновчи йўловчи поездлари ҳам вақтинча қатнамайди.

Йўловчилардан сафарларини олдиндан режалаштириш, зарур ҳолларда муқобил қатнов турларидан фойдаланиш сўралган.