Хитойнинг Харбин шаҳрида пингвинлар паради ўтказилди

Костюм кийган ва бўйинбоғ таққан пингвинлар парк ходимлари ҳамроҳлигида томошабинлар ёнидан ўтишди.

Фото: AP

Хитойнинг Харбин шаҳрида бўлиб ўтаётган Harbin Polarland тематик парки фестивалида пингвинлар паради ўтказилди.

Ушбу парад Harbin Polarland паркида ҳар йили бўлиб ўтади. Костюм кийган ва бўйинбоғ таққан пингвинлар парк ходимлари ҳамроҳлигида томошабинлар ёнидан ўтишди.

Harbin Polarland — дунёдаги биринчи қутб жониворлари ва арктик манзаралар парки ҳисобланади.

Бундан ташқари, Харбинда муз ва қор фестивали ҳам ўтказилади. Фестивалда қор ва муздан улкан иншоотлар бунёд этилади. Ўтган йил декабрда баландлиги қарийб 8 қаватли бино билан тенг қорбобо ҳайкали фестивалнинг ташриф қоғозига айланганди.