Қўшимча функционаллар
-
Тунги кўриниш
Вазирлик “Ташаббусли бюджет”чиларни фирибгарларга алданиб қолмасликка чақирди
“Овоз тўплашда кўмаклашамиз” ёки “лойиҳангизни ғолиб қилиб берамиз” каби ваъдаларга ишонмаслик сўралмоқда. Иқтисодиёт ва молия вазирлигига кўра, ғолиб чиқишнинг иккита энг яхши йўли бор: фаол тарғибот орқали кўпроқ овоз йиғиш ёки овоз йиғмасдан ҳам, лойиҳа учун маблағнинг 50 фоизини тўплаган ҳолда шериклик механизмидан фойдаланиш мумкин.
"Ташаббусли бюджет"да асфалтланган Марҳамат тумани Оқбош маҳалласидаги кўча
Иқтисодиёт ва молия вазирлиги “Ташаббусли бюджет” лойиҳаси атрофидаги фирибгарлик ҳолатларидан огоҳ бўлишга чақирди.
“Ҳурматли фуқаролар! “Ташаббусли бюджет” доирасида “овоз тўплашда кўмаклашамиз” ёки “лойиҳангизни ғолиб қилиб берамиз” каби ваъдаларга ишонмаслигингизни сўраймиз.
“Ташаббусли бюджет” ғолиблари фақат очиқ овоз бериш ҳамда бошқа белгиланган мезонлар асосида аниқланади.
Агар ғоянгиз бўлса, уни очиқ тарзда тақдим этинг, овоз йиғинг, жамоатчилик билан ишланг. Қолаверса, эндиликда лойиҳаларни шериклик асосида молиялаштириш ҳам мумкин. Шериклик лойиҳалари учун овоз тўплаш талаб этилмайди. Бу – қонуний, самарали ва энг асосийси ишончли усул”, – дейилади вазирлик эълонида.
1–20 феврал кунлари “Ташаббусли бюджет”да лойиҳа киритиш босқичи бўлиб ўтди. Ҳозирда лойиҳаларни саралаш жараёни кетяпти.
Саралашдан ўтган ташаббуслар 11 март куни овозга қўйилади. Овоз йиғиш босқичи 10 кун давом этиб, ғолиблар 21 март – Наврўз байрамида эълон қилинади.
Мавзуга оид
10:38
Тошкентдаги “Dna motors” автосалони мансабдорлари қамоққа олинди
08:28
Фарғонада 34 кишидан иборат “колл-марказ” ниқобидаги уюшган жиноий гуруҳ фош этилди
10:34 / 06.02.2026
Муҳожир ёшлар қопқонга тушмоқда - уларга тузоқ қўйганлар сояда овни давом эттирмоқда
15:09 / 05.02.2026