Хўрмуз бўғозида Эрон зарба берган танкер чўкмоқда

Унга Ўмон соҳиллари яқинида Эрон дрони билан ҳужум қилинган. Танкер Палау байроғи остида сузаётган бўлган.

Фото: Видеодан кадр

Хўрмуз бўғозини кесиб ўтишга уринган танкер дрон зарбаси берилиши оқибатида чўкмоқда, деб хабар берди Эрон давлат телерадиокомпанияси (IRIB).

Reuters агентлигининг ёзишича, Хўрмуз бўғозида Skylight деб номланувчи танкер чўкмоқда.

Унга Ўмон соҳиллари яқинида Эрон дрони билан ҳужум қилинган. Танкер Палау байроғи остида сузаётган бўлган.

ОАВнинг ёзишича, айни пайтда танкер экипажи эвакуация қилинмоқда.

Аввалроқ Reuters Ислом инқилоби қўриқчилари корпусининг ҳарбий-денгиз флоти кемаларга Хўрмуз бўғозини кесиб ўтишни тақиқлагани ҳақида хабар қилганди. Аммо Эрон томони бу хабарни расман тасдиқламаган.

Тайёрлаган Дилшодбек Асқаров

#Эрон #танкер #Хўрмуз бўғози

Эрон ядро дастури бўйича музокаралар самарасиз тугаши ортидан, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди. Эроннинг жавоб зарбалари АҚШнинг Яқин Шарқдаги базалари ва Исроил ҳудудларига қаратилди. Минтақадаги қатор шаҳарларда дронлар ёки ракеталар қулаши кузатилди.