Полшада оғир касалликка чалинган фуқаро ватанга қайтарилди

Ўзбекистоннинг Полшадаги элчихонаси томонидан ўтказилган навбатдаги консуллик қабули давомида Самарқанд вилоятида туғилган фуқаро Р.М. билан мулоқот ўтказилди.

Фото: Dunyo

Суҳбат давомида ватандош 2023 йил апрел ойида Полша Республикасига ишчи визаси асосида вақтинчалик меҳнат фаолиятини амалга ошириш мақсадида келганини маълум қилди. Ҳозирга қадар у оғир касалликка чалинган бўлиб, Полшадаги тиббий муассасалардан бирида даволанган.

Шу муносабат билан фуқаро ватанга қайтиш ҳамда Ўзбекистонда даволанишини ташкил этишда амалий ёрдам кўрсатишни сўраб мурожаат қилган.

Мурожаат инобатга олиниб, Ўзбекистон Миграция агентлиги билан ҳамкорликда фуқаронинг ватанга қайтиши учун зарур чоралар кўрилди. Хусусан, унга авиачипта харид қилиниб, учишгача бўлган даврда вақтинчалик яшаш жойи билан таъминланди.

11 март куни фуқаро Р.М. Варшава — Тошкент рейси орқали Ўзбекистонга жўнаб кетди.