Ўзбекистонда муомаладаги банк карталари сони 71 млнга яқинлашди

Расмий маълумотларга кўра, ҳозирги кунда республика бўйлаб жами 70 951 598 та банк картаси муомалада мавжуд.

Шу билан бирга, тўлов инфратузилмаси ҳам кенгайиб бормоқда. Жумладан, мамлакат бўйлаб 439 462 та тўлов терминали ҳамда 45 311 та банкомат ва инфокиосклар ўрнатилган.

2026 йил январ–феврал ойлари давомида тўлов терминаллари орқали амалга оширилган операциялар ҳажми 82 триллион 925 миллиард сўмдан ортиқни ташкил этди.

Ушбу кўрсаткичлар аҳоли ўртасида нақдсиз тўловлар улуши ортиб бораётгани, шунингдек, банк хизматларидан фойдаланиш имкониятлари кенгайиб бораётганини англатади.