Суперлиганинг энг қиммат футболчилари рейтинги тузилди

Футболчиларнинг шартномасига ихтисослашган Transfermarkt портали Ўзбекистон чемпионатида тўп тепаётган ўйинчиларнинг янгиланган трансфер қийматларини эълон қилди.

Рўйхатда биринчи ўринни «Насаф» клубининг 25 ёшли дарвозабони Абдувоҳид Неъматов эгаллаб турибди. Унинг трансфер қиймати 1,5 миллион еврога баҳоланган.

Иккинчи поғонадан «Пахтакор» яримҳимоячиси Акмал Мозговой жой олди. Унинг қиймати 100 минг еврога ошиб, 1,4 миллион еврога етди.

Учинчи ўринда «Пахтакор» яримҳимоячиси Ҳожиакбар Алижонов — унинг қиймати 100 минг еврога кўтарилиб, 1,3 миллион еврони ташкил қилди.

Энг катта ўсиш «Пахтакор» яримҳимоячиси Достонбек Ҳамдамовда кузатилди. Унинг трансфер қиймати бирданига 300 минг еврога ошди.

Суперлиганинг энг қиммат 10 футболчиси қуйидагилар:

1. Абдувоҳид Неъматов («Насаф») — 1,5 млн евро

2. Акмал Мозговой («Пахтакор») — 1,4 млн евро

3. Ҳожиакбар Алижонов («Пахтакор») — 1,3 млн евро

4. Шерзод Насруллаев («Пахтакор») — 1,2 млн евро

5. Люпчо Дориев («Сўғдиёна», Болгария) — 1,2 млн евро

6. Ҳожимат Эркинов («Пахтакор») — 1 млн евро

7. Жамшид Искандеров («Нефтчи») — 1 млн евро

8. Достонбек Ҳамдамов («Пахтакор») — 900 минг евро

9. Руслан Жиянов («Навбаҳор») — 800 минг евро

10. Аброрбек Исмоилов («Нефтчи») — 800 минг евро.