Пиёданинг йўлини тўсган ҳайдовчи гувоҳномасидан айрилди

Ижтимоий тармоқларда тарқалган видеодан кадрлар

Чирчиқ шаҳрида ҳайдовчи Cobalt'ни пиёдалар йўлагидан ҳайдагани етмаганидек, йўлакда кетаётган она ва боланинг йўлини тўсган.

Тошкент вилояти ЙҲХБга кўра, ҳайдовчига нисбатан “йўл безорилиги” моддаси билан маъмурий баённома расмийлаштирилган.

Жиноят ишлари бўйича Чирчиқ шаҳар судининг қарори билан, ҳайдовчи транспорт воситасини бошқариш ҳуқуқидан 1 йил муддатга маҳрум этилди ва 10 БҲМ (4 млн 120 минг сўм) жаримага тортилди.