Саида Мирзиёева Ҳиндистонда Рубио билан учрашди

Учрашувда америкалик ҳамкорлар билан савдо алоқаларини кенгайтириш ва янги инвестицияларни жалб қилиш масалалари муҳокама қилинган.

Манба: Telegram / Saida Mirziyoyeva

Президент администрацияси раҳбари Саида Мирзиёева 23 май куни Ҳиндистоннинг Ню Деҳли шаҳрида АҚШ давлат котиби Марко Рубио билан мулоқот ўтказди.

Учрашувда Доналд Трампнинг Жанубий ва Марказий Осиё бўйича махсус вакили Сержио Гор ҳам иштирок этган.

«АҚШ давлат котиби Марко Рубионинг Ҳиндистонга ташрифи муносабати билан Ню Деҳли шаҳрида уюштирилган қабул маросимида қатнашдим.

Америкалик ҳамкорларимиз билан савдо алоқаларини кенгайтириш ва янги инвестицияларни жалб этиш бўйича жонли ҳамда мазмунли мулоқотимизни давом эттириш имкониятидан мамнунман», – дейилади ПА раҳбарининг телеграм-каналидаги хабарда.