ЖЧ-2026. Ўзбекистон иккинчи турда Португалияга йирик ҳисобда ютқазди

Футбол бўйича жаҳон чемпионатида 23 июнь куни К гуруҳининг 2-тур ўйини ўтказилди.

Ўзбекистон миллий жамоаси Ҳьюстон шаҳрида Португалия билан ўйнади ва йирик ҳисобда ютқазди.

6-дақиқада Криштиану Роналду ҳимоячилар хатосидан унумли фойдаланиб, Ўзбекистон миллий жамоаси дарвозасини ишғол қилди. 17 дақиқада Нуну Мендеш жарима зарбасини аниқ ижро қилиб, жамоасининг иккинчи голини урди.

29-дақиқада Азиз Ғаниев узоқ масофадан кучли зарба йўллаб, ҳисобни қисқартирди. Бироқ, унга тўп келиб тушишидан олдин Аббос Файзуллаев қоида бузгани туфайли, бош ҳакам VAR текширувидан сўнг голни бекор қилди.

39 дақиқада Криштиану Роналду дарвозабон билан деярли юзма-юз чиқиб, ҳисобни йирик кўринишга келтирди.

Иккинчи бўлимда вазият ўзгармади. Португалия катта устунлик билан ҳужум қилди. 60 дақиқада бурчак зарбасидан кейин Абдувоҳид Неъматов тўпни ўз дарвозасига йўллаб қўйди. 87-дақиқада Леао жамоасининг бешинчи голини урди.

Бу натижадан сўнг Португалия 4 очко жамғарди, Ўзбекистон ҳисобида очко йўқ. Миллий жамоа гуруҳдаги сўнгги ўйинни 28 июнь куни Конго ДР миллий жамоасига қарши ўтказади.

ЖЧ-2026, К гуруҳи, 3-тур

Ҳьюстон (АҚШ), 23 июнь

ПОРТУГАЛИЯ – ЎЗБЕКИСТОН 5:0

Голлар: Криштиану Роналду (6, 39), Нуну Мендеш (17), Абдувоҳид Неъматов (60 автогол), Рафаэл Леао (87)

ПОРТУГАЛИЯ: Диогу Кошта, Рубен Диаш, Криштиану Роналду, Бруну Фернандеш, Жоау Фелиш (Франсишку Тринкау, 63), Ренату Вейга, Жоау Невеш (Бернарду Силва, 76),  Педру Нету (Франсишку Консейсау, 46), Жоау Канселу (Матеуш Нунеш, 46), Витинья (Рафаэл Леао 83), Нуну Мендеш.

ЎЗБЕКИСТОН: Абдувоҳид Неъматов, Абдуқодир Ҳусанов, Рустам Ашурматов, Отабек Шукуров, Одил Ҳамробеков (Акмал Мозговой, 46), Шерзод Насруллаев (Ҳожиакбар Алижонов, 46), Элдор Шомуродов, Абдулла Абдуллаев, Азиз Ғаниев, Аббосбек Файзуллаев (Игорь Сергеев, 73), Беҳруз Каримов.

Огоҳлантиришлар: Одил Ҳамробеков (14), Ренату Вейга (68)