Lamborghini тарихдаги энг тезкор Urus’ни тақдим этди

Итальянлар Urus SE Performante’ни 800 от кучигача «кучайтиришди» - бу стандарт версиядан 11 кучга кўп. Буровчи лаҳза ҳам ортди — 950 Н·м эди, энди 1003 Н·м бўлди.

Автомобил энди 3,3 сонияда 100 км/соат тезликка эришади - бу олдингига қараганда 0,1 сония тезроқ. Аммо максимал тезлик ўша даражада қолди - соатига 312 км.

Двигател гибрид агрегат бўлиб, қуйидагилардан иборат:

• тўрт литрли бензинли «битурбо» В8;

• синхрон электромотор;

• сиғими 25,9 кВт·соат бўлган батареялар.

• Электр двигател «розеткадан» 60 км гача юришга имкон беради.

Активда:

• саккиз поғонали узатмалар қутиси;

• тўлиқ узатма;

• электрон бошқариладиган марказий дифференциал.

Бошқа нарсалар қаторида, кроссовер модернизация қилинган икки камерали пневматик осмага эга бўлди. Бошқа яхшиланишлар қаторида кузовнинг қиялиги 55% га, тебранишлар эса 25% га камайди.

Lamborghini вазнни камайтиришга алоҳида эътибор қаратди. Кроссовер карбон ишлатилгани сабабли 32 кг вазн йўқотди. Вазндан ташқари, капот, том ва бошқа элементлар углерод толасидан тайёрланган. Компания автомобилнинг юқори тезликдаги барқарорлиги яхшиланганини таъкидлади.

Айтганча, газ чиқариш тизими ҳам ўзгарди: Urus СЕ Performante Akrapovic’дан вазни камайтирилган махсус тўпламни олди.

Аэродинамик кўрсаткичлар:

• олд қаршилиги 3% га камайтирилди;

• ерга босиш кучи 16% га оширилди.

Салон Urus SE’га ўхшаш услубда, панелларнинг кескин қирралари, пойга автомобилларидаги каби тумблерлар ва бугунги кунда камдан-кам учрайдиган кўплаб тугмалар билан жиҳозланган.

Lamborghini Urus SE Performante нархи ҳозирча эълон қилинмаган.