Илон Маскнинг бойлиги бир кунда 25 миллиард долларга кўпайди

Маск дунёнинг энг бой одами – бойлиги 180 миллиард доллар бўлган Amazon асосчиси Жефф Безосга деярли етиб олди.

Фото: Joe Skipper / Reuters

Tesla асосчиси Илон Маскнинг бойлиги миқдори 9 март куни 25 миллиард долларга кўпайди. Бу ҳақда Bloomberg хабар бермоқда.

Маск дунёнинг энг бой одами – бойлиги 180 миллиард доллар бўлган Amazon асосчиси Жефф Безосга деярли етиб олди. Маск Безосдан олти миллиард долларга ортда қолмоқда.

Маскнинг бойлиги Tesla акциялари нархи ошиши ҳисобига кўпайди.

9 март кунги савдоларда компания акциялари нархи 19,64 фоизга қимматлади. Компания капитализацияси 106,2 миллиард долларга ўсиб, 646,6 миллиард долларга етди.