2026 йилги Қишки Олимпиада медаллари тақдим этилди

Медаллар чиқиндиларни қайта ишлаш натижасида олинган металлардан ясалади.

Фото: Milano Cortina 2026

2026 йилда Италиянинг Милан ва Кортина-д'Ампеццо шаҳарларида ўтказиладиган Қишки Олимпия ва Паралимпия ўйинлари медаллари тақдим этилди.

Халқаро Олимпия қўмитаси (ХОҚ) хабарига кўра, медаллар чиқиндиларни қайта ишлаш натижасида олинган металлардан ясалади.

Медаллар Италия зарбхона ва матбаа институти (IPZS) томонидан қайта тикланадиган энергия манбалари ҳисобига ишлайдиган индукцион печларда, экологик тоза қадоқларда қуйилади. Шунингдек, Ўрмонни бошқариш кенгаши (FSC) томонидан сертификатланган материаллар ҳам қўлланади, пластмассадан энг кам миқдорда фойдаланилади.

2026 йилги Қишки Олимпия ўйинлари Италиянинг Милан ва Кортина-д'Ампеццо шаҳарларида 6—22 феврал кунлари бўлиб ўтади. Паралимпия ўйинлари 6-15 март кунлари ўтказилади.

Тайёрлаган: Сардор Юсупов

#Италия #медал #Қишки Олимпиада