Саудия Арабистони зиёратчиларнинг мамлакатга киришини вақтинчалик тақиқлади

Фото: Rashidan Ab.Latif / EyeEm

Саудия Арабистони расмийлари Макка шаҳрида Умра амалини бажариш ва Мадинада Набавий Масжидни зиёрат қилиш учун келадиган фуқароларнинг мамлакатга киришини вақтинча тўхтатиб қўйди. Бу ҳақда подшоҳликнинг Ташқи ишлар вазирлиги баёнотида айтилган.

#Statement | Proactive Preventive Measures to Prevent the Arrival of the New Coronavirus (#COVID19) to the Kingdom pic.twitter.com/fuBAWq19Du
— Foreign Ministry 🇸🇦 (@KSAmofaEN) February 26, 2020

«Умра амалини бажариш ва Набавий Масжидни зиёрат қилиш учун подшоҳликка кириш вақтинча тўхтатилди», - дея хабар берди вазирлик Twitter’да.

Бундан ташқари, Ташқи ишлар вазирлиги «янги коронавируснинг тарқалиши хавфи» бўлган мамлакатлар фуқароларининг сайёҳлик визалари бўйича кириши тўхтатилаётгани ҳақида маълум қилди.

Бундан олдин, коронавирус яна учта давлатда аниқлангани, Германияда эпидемия бошлангани, Литвада фавқулодда ҳолат эълон қилингани хабар берилганди.

Тайёрлаган Отабек Матназаров

#Саудия Арабистони #Умра

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.