«Харобадан чиққан миллионер» ва «Пи ҳаёти»даги роллари билан танилган актёр Ирфон Хон вафот этди

Ҳиндистонлик актёр Ирфон Хон Мумбайда 54 ёшида вафот этди, деб хабар бермоқда «Би-би-си».

Болливуд юлдузининг ўлими сабаби ҳозирча аниқлаштирилмаган. 2018 йилда Хонга нейроэндокрин ўсимта ташхиси қўйилган эди. У Лондонда даволанди, ўз ташхисини яширмади ва мухлисларига саратон, тушкунлик ҳамда кучли оғриқларга қарши курашдаги ўз тажрибаси ҳақида гапириб берди.

Санъаткор Болливуднинг «Пику», «Мақбул», «Руҳ кучи» фильмлари билан танилган. У шунингдек, «Пи ҳаёти», «Харобадан чиққан миллионер» ва «Янги ўргимчак одам» сингари халқаро лойиҳаларда роль ўйнаган. Бундан ташқари, Хон мустақил кинода суратга тушган.