Мадуро Бруклиндаги тергов изоляторига олиб келинди

Венесуэла президенти Николас Мадуро ва унинг рафиқаси Силия Флорес Каракасда Америка махсус топшириқли кучлари томонидан қўлга олинганидан кейин қўриқчилар ҳамроҳлигида Ню-Йоркка етказилди.

Ушбу жуфтлик Венесуэладан вертолёт орқали Американинг «Иводзима» авиаташувчисига олиб келинган. 3 январ куни кечқурун ФҚБ самолёти уларни Ню-Йорк штатидаги Стюарт авиабазасига етказган. Бу ердан Мадуро рафиқаси билан бирга вертолётда Гиёҳванд моддаларга қарши кураш бўйича бошқарманинг (DEA) Манҳэттендаги офисига келтирилган, бу ерда улардан биометрик маълумотлари олинган.  

Шундан кейин улар Бруклиндаги федерал тергов изоляторига жойлаштирилган.

Оқ уй Мадуро кишанланган ҳолда DEA агентлари ҳамроҳлигида коридор бўйлаб ўтаётгани акс этган видеони эълон қилди. У атрофдагиларга инглиз тилида шундай деган: «Хайрли оқшом. Янги йилингиз билан».

NBC News маълумотига кўра, Мадуро ва Флорес 5 январ куниёқ Ню-Йоркда суд олдида жавоб бериши мумкин.

• 3 январга ўтар кечаси АҚШ Венесуэлада ҳарбий амалиёт ўтказди, бу амалиёт доирасида Америка махсус топшириқли кучлари президент Николас Мадуро ва унинг рафиқаси Силия Флоресни қўлга олди ва мамлакатдан олиб чиқиб кетди. Америка Адлия вазирлиги унга «наркотерроризм», кокаин олиб кириш, АҚШга қарши қўллаш мақсадида қурол ва портловчи моддалар сақлаб бўйича айбловлар эълон қилган. Доналд Трамп Венесуэла ўтиш даврида АҚШ томонидан бошқарилишини маълум қилган.