Расман: «Арсенал» 22 йиллик танаффусдан сўнг Англия чемпионига айланди

Лондоннинг «Арсенал» клуби муддатидан олдин футбол бўйича Англия Премер-лигасининг 2025/2026 йилги мавсуми ғолиблигини қўлга киритди.

Премьер-лиганинг 37-турида «Манчестер Сити» кутилмаганда «Борнмут» (1:1) билан дуранг қайд этиб, Микел Артета шогирдларини муддатдан олдин чемпион қилди.

37-тур якунига кўра, «Арсенал» ҳисобида 82 очко бор, «Манчестер Сити» эса 78 очко билан мавсумни 2-ўринда якунлайдиган бўлди. 

«Арсенал» сўнгги бор бундан 22 йил олдин, 2003/2004 йилги мавсумда ғолиб бўлган эди. Ўшанда жамоа мавсумни мағлубиятсиз якунлаган эди.