Ўзбекистон ҳарбийлари халқаро мусобақада рекорд натижа қайд этди

Покистонда ўтказилган нуфузли IX “Жамоа руҳи” халқаро мусобақасида Ўзбекистон Мудофаа вазирлиги разведкачилари энг юқори натижани қайд этиб, 97,3 фоиз кўрсаткич билан 1-ўринни қўлга киритди. Иккинчи ўринни Малайзия (82,1 фоиз), учинчи ўринни эса АҚШ (76,4 фоиз) эгаллади.

Мусобақада дунёнинг 19 та давлатидан 34 та жамоа иштирок этган. Шартларга кўра, иштирокчилар 90 километр масофани босиб ўтиш асносида 31 марта турли мураккаб тўсиқлар ҳамда амалий тест синовларини бажариши лозим бўлган. Ўзбекистон жамоаси мазкур масофани 33 соат-у 34 дақиқада якунлади.

Шунингдек, ҳарбийлар 80 килограмм вазндаги “ярадор”ни 5 км масофага ташиш бўйича 27 дақиқада мутлақ рекорд ўрнатгани қайд этилди.