Boysundagi konda yana avariya kuzatildi. Qurbonlar bor
Boysundagi «Mustaqillikning 25 yilligi» konidan yana vodorod sulfid sizib chiqdi. Bosh prokuratura boshqarma boshlig‘iga ko‘ra, 2 kishi halok bo‘lgan, jarohatlanganlar ham bor.
Boysundagi «Mustaqillikning 25 yilligi» konida 17 sentabr kuni navbatdagi ofat ro‘y bergan. Buni Kun.uz muxbirining savoliga javob bergan mas’ullar tasdiqladi.
Bosh prokuratura boshqarma boshlig‘i O‘ktam O‘tayevning so‘zlariga ko‘ra, hodisa natijasida ikki kishi halok bo‘lgan, shuningdek, jarohatlanganlar bor. Tergovga qadar tekshiruv olib borilmoqda.
«Haqiqatan, kecha siz aytgan o‘sha noxush holat bo‘yicha, 2 nafar odam halok bo‘lgani bo‘yicha, voqea joyiga viloyat prokurorining o‘zi chiqqan. Hozirda tergovoldi tekshiruv harakatlari olib borilmoqda», degan u.
Uning qo‘shimcha qilishicha, hozirda vaziyat natijasida vafot etganlardan tashqari jarohatlanganlar ham bor.
«O‘lim holati bo‘lgan. Ikki nafar shaxs o‘lgani to‘g‘risidagi holat bor. Yana tan jarohati olingan holatlar ham bor. Hozir tergovga qadar tekshiruv harakatlari o‘tkazilmoqda. Natijasi bo‘yicha sizlarga ma’lumot beriladi», dedi Bosh prokuratura xodimi.
Mavzuga oid
11:37 / 19.09.2024
Jo‘rabek Mirzamahmudov: “Halok bo‘lganlarning oilalarini pudratchi tashkilot qaramog‘iga oladi”
21:34 / 18.09.2024
Energetika vaziri M25 konining texnik tavsifini bayon qildi
16:31 / 18.09.2024
Boysundagi konda 4 kishi halok bo‘lgan - Sherzod Asadov
14:28 / 18.09.2024