Toshkentdan Andijonga yana bir poyezd qatnay boshlaydi

17 oktabrdan boshlab Toshkentdan Andijonga qo‘shimcha poyezd harakatlana boshlaydi. Bu haqda «O‘ztemiryo‘lyo‘lovchi» AJ matbuot xizmati xabar qilgan.

Xabarga ko‘ra, yo‘lovchilarga qulayliklar yaratish maqsadida «Toshkent-Andijon-Toshkent» yo‘nalishi bo‘yicha har kuni yangi 62/61 sonli tezyurar poyezdi harakatlanadi. 

Poyezdning Toshkentdan ketish vaqti soat 16-30da, u Andijonga soat 22-30ga yetib boradi.

Poyezd Andijondan soat 06-00da jo‘nab ketadi va Toshkentga soat 12-10ga yetib keladi.

Shu sababli 18 oktabrdan «Andijon-Buxoro-Andijon» yo‘nalishidagi 392/391 sonli poyezdining, shuningdek «Toshkent-Andijon-Toshkent» yo‘nalishidagi 92/91 sonli poyezdining harakatlanish jadvalida o‘zgarishlar e'lon qilinadi.