Germaniyada kikboksing bo‘yicha jahon chempioni Musa Musalayev o‘ldirib ketildi

Germaniyada kikboksing bo‘yicha ko‘p bor jahon chempioni bo‘lgan Musa Musalayev o‘ldirib ketildi. Augsburger Allgemeine gazetasi bergan ma'lumotga ko‘ra, kelib chiqishi tataristonlik bo‘lgan Musa Germaniyaning Noy-Ulmdagi uyi ostonasida otib ketilgan. 

Guvohlarning so‘zlariga ko‘ra, sportchini niqobda bo‘lgan noma'lum kimsa otib tashlagan. Qotil shundan so‘ng haydovchisi bo‘lgan mashinaga o‘tirib, qochib qolgan.

Politsiyada ma'lum qilishlaricha, jinoyatchi qidiruvga berilgan.

37 yashar Musa Musalayev kikboksing bo‘yicha Prince Team jamoasining sardori edi. U 2013 yildan buyon Germaniyada istiqomat qilib keladi.