NATO Kosovaning o‘z armiyasini yaratish rejalaridan xavotir bildirmoqda

NATO tan olinmagan Kosova respublikasining o‘z armiyasini yaratish rejalaridan xavotir bildirmoqda. Bu haqda NATO bosh kotibi Yyens Stoltenberg bayonotida ma'lum qilindi. 

"Bugun Hoshim Tachi (Kosova prezidenti) va Iso Mustafo (bosh vazir) bilan NATO bo‘yicha ittifoqdoshlarning Kosova hukumatining Kosova xavfsizlik kuchlarini konstitutsion o‘zgarishlarsiz qurolli kuchlarga aylantirish taklifi borasidagi jiddiy xavotirlarini bildirish uchun gaplashdim", deyilgan bayonotda.

Avvalroq tan olinmagan respublika parlamenti politsiya kuchlarining to‘laqonli armiyaga isloh qilinishi tashabbusini ma'qulladi. Bu taklif Tachi, Mustafo va parlament raisi  Kadri Veseli tomonidan bildirilgan.

BMT Xavfsizlik kengashi yig‘ilishida Serbiya prezidenti Tomislav Nikolich tan olinmagan respublika armiyasining shakllantirilishi 1244-rezolyutsiyaning jiddiy buzilishi bo‘lishi va butun G‘arbiy Bolqon hududidagi vaziyatni barqarorlashtirish bo‘yicha sa'y-harakatlarga jiddiy xavf tug‘dirishini aytgan.