Fransiyada yong‘in tufayli 10 ming kishi evakuatsiya qilindi

Fransiya janubi-sharqidagi Var departamentidan taxminan 10 ming kishi evakuatsiya qilindi. Bu holat yong‘in sabab ro‘y bergan hamda chorshanba, 26 iyul kuniga o‘tar kechasi sodir bo‘ldi, deb xabar qilmoqda AFP.

Xabarga ko‘ra, Borm-le-Mimoza tumanida qayd etilgan yangi o‘rmon yong‘ini maydoni 400 gektarga teng.

«Kamida 10 ming kishi yong‘in tarqalishi tufayli evakuatsiya qilindi. Bu turar-joy hududi bo‘lib, uning aholisi soni yozda ikki yoki uch barobarga oshadi», - deya o‘t o‘chirish xizmati xodimlari bayonotini keltiradi agentlik.