Saudiya Arabistoni taraqqiyot Fondi ekspertlari O‘zbekistonda bo‘ldi

Joriy yil 28 iyul kuni O‘zbekiston Respublikasi Investitsiyalar bo‘yicha davlat qo‘mitasida Saudiya Arabistoni taraqqiyot Fondi ekspertlari ishtirokida uchrashuv bo‘lib o‘tdi.

Unda qo‘shma investitsion loyihalarni yo‘lga qo‘yish masalalari muhokama etildi. Jumladan, “Respublika ixtisoslashtirilgan ilmiy-amaliy markazini barpo etish va ularni zamonaviy tibbiy uskunalar bilan ta'minlash”, “Samarqand viloyatining Qo‘shrabot tumani qishloq aholisini ichimlik suvi ta'minotini yaxshilash” masalalari bo‘yicha o‘zaro muzokaralar olib borildi.

Shuningdek, Respublikamizning Toshkent shahri, Navoiy va Farg‘ona viloyatlarida qishloq uy-joylar qurilishi loyihasini yo‘lga qo‘yishda Saudiya taraqqiyot Fondining ishtiroki masalalariga ham alohida to‘xtalib o‘tildi.