Amerikalik general: AQSh va ittifoqchilar KXDRga qarshi kuch qo‘llashga tayyor

AQSh Tinch okeani harbiy-havo kuchlari qo‘mondoni general Terrens O'Shonessining ma'lum qilishicha, Qo‘shma Shtatlar hamda ittifoqchilar Shimoliy Koreyaga “tez va juda katta kuch” qo‘llashga tayyor. Bu zarurat tug‘ilsa ro‘y beradi, deb xabar qilmoqda Fox News.

Generalning so‘zlariga ko‘ra, Shimoliy Koreya mintaqadagi barqarorlikka eng asosiy tahdid sanaladi.

Avvalroq AQShning BMTdagi doimiy vakili Nikki Heyli KXDR bilan muloqot qilish vaqti tugaganini ma'lum qilgandi. Uning so‘zlariga ko‘ra, biror natijaga erishilmas ekan, BMT Xavfsizlik kengashining Shimoliy Koreya bo‘yicha navbatdagi majlisini chaqirish ma'nosizdir.