Neymar «Barsa» mashg‘ulotlarini o‘tkazib yubordi va jamoadoshlariga ketayotganini aytdi

«Barselona» hujumchisi Neymar «PSJ» futbolchisiga aylanish arafasiga turibdi.

Barselonadagi eng ishonchli manbalardan biri sanalgan Gilem Balagening tvitterda yozilishicha, 25 yoshli braziliyalik futbolchi Ernesto Valverdening ruxsati bilan bugungi mashg‘ulotlarni o‘tkazib yuborgan va jamoadoshlariga «PSJ»ga o‘tayotgani haqida ma'lum qilgan.

Eslatib o‘tamiz, parijliklar moliyaviy feyr-pley shartlarini cheklab o‘tish maqsadida Neymarning shartnomasida ko‘rsatilgan 222 million yevro tovon pulini Qatardagi fondlardan biri orqali to‘lashni rejalashtirgan.