Janubiy Koreya prezidenti KXDR tufayli qurolli kuchlarga yangi topshiriq berdi

Foto: koreasowls.fr

Janubiy Koreya prezidenti Mun Chje In mamlakat qurolli kuchlariga hujum strategiyasini ishlab chiqish vazifasini topshirdi. Bu KXDR Seulga zarba beradigan bo‘lsa, asqatishi kerak, deb xabar bermoqda «Ryonxap» agentligi.

«Men qurolli kuchlar tuzilmasida islohotlarni xohlamoqdaman. Bu ularning zamonaviy jang talablariga javob berishi, agarda Shimoliy Koreya fitna harakatini amalga oshiradigan bo‘lsa, tezlik bilan hujum strategiyasiga o‘tishlarida muhim ahamiyat kasb etadi», - deya ma'lum qilgan siyosatchi.

Uning aniqlik kiritishicha, ushbu strategiya KXDR «chegaradan o‘tsa yoki poytaxt mintaqasiga zarba bersa» qo‘llaniladi.

Avvalroq shimoliy koreyaliklar Janubiy Koreyaga raketa sinovlari haqida varaqalar tashlashgani xabar berilgandi.