Meksikada zilzila oqibatida 26 kishi halok bo‘ldi

Oaxaka gubernatori Alexandro Muratning ma'lum qilishicha, Meksika qirg‘oqlarida yuz bergan zilzila natijasida kamida 26 kishi halok bo‘ldi. Bu haqda Reuters xabar qilmoqda.

8,2 magnitudali juda kuchli yer silkinishi 8 sentabr kuni ertalab Pixixyapan shahridan 96 kilometr janubi-sharqda yuz bergan. Zilzila o‘chog‘i 35 kilometrlik yer tubida joylashgani aytilmoqda.

Avvalroq zilzila oqibatida halok bo‘lganlar soni 15 kishiga yetgani xabar berilgandi.