Мексикада зилзила оқибатида 26 киши ҳалок бўлди

Оахака губернатори Алехандро Муратнинг маълум қилишича, Мексика қирғоқларида юз берган зилзила натижасида камида 26 киши ҳалок бўлди. Бу ҳақда Reuters хабар қилмоқда.

8,2 магнитудали жуда кучли ер силкиниши 8 сентябрь куни эрталаб Пихихьяпан шаҳридан 96 километр жануби-шарқда юз берган. Зилзила ўчоғи 35 километрлик ер тубида жойлашгани айтилмоқда.

Аввалроқ зилзила оқибатида ҳалок бўлганлар сони 15 кишига етгани хабар берилганди.