Tramp Eronni Saudiya Arabistoniga hujum qilishda aybladi

Foto: Oq uy

AQSh prezidenti Donald Tramp Eronni Yaman hududidan turib Saudiya Arabistoni poytaxti tomon raketa yo‘llashda aybladi. Bu haqda RIA Novosti xabar tarqatdi.

«Menimcha, Eron Saudiya Arabistoniga hujum qilmoqda. Buni siz ham bilasiz-a? Siz raketa uchirilganini ko‘rdingiz. Bizning tizim uni urib tushirdi», — degan u.

Bundan avvalroq, Saudiya Arabistoni havo hujumidan mudofaa kuchlari Ar-Riyoddan shimoli-sharqda ballistik raketani zararsizlantirgani ma'lum bo‘lgandi.

Oktyabr oyida Yamandagi husiychilar Abu-Dabini o‘z raketalarining asosiy nishoni deb atashgandi. Bu kuchlar Eron tomonidan qo‘llab-quvvatlanishi iddao qilinadi.