Nigeriya shimolidagi teraktda 17 kishi halok bo‘ldi
Nigeriyaning shimolidagi Borno shtatida joylashgan Biu shahridagi bozorda terrorchi-xudkushlar hujumi oqibatida kamida 17 kishi halok bo‘ldi, 47 kishi jarohat oldi. Bu haqda 2 dekabrda mahalliy hukumat vakillariga iqtibos keltirgan holda Reuters axborot agentligi xabar berdi.
Portlashlar gumanitar tashkilot xodimlari “Boko harom” radikal guruhi harakatlaridan jabr ko‘rgan odamlarga oziq-ovqat yordamini ulashayotganlarida sodir etilgan. Portlashlarni 2 xudkush amalga oshirgan.
Biu Borno shtatining ma'muriy markazi hisoblangan Mayduguri shahridan 185 km uzoqlikda joylashgan. Maydugurida jangarilarning fuqarolarga va kuch tuzilmalari vakillariga hujumlari davom etmoqda.
France-Presse axborot agentligining ma'lum qilishicha, voqea joyida qutqaruv xizmatlari ish olib bormoqda, jasadlarni qidirish ishlari ketmoqda. Halok bo‘lganlar soni oshishi mumkinligi istisno qilinmayapti. Huquq-tartibot idoralarida ushbu terakt ortida “Boko Harom” jangarilari turgani aytilmoqda.
Mavzuga oid
23:30 / 29.09.2024
Nigeriyada sher hayvonot bog‘i xodimini g‘ajib tashladi
08:00 / 16.09.2024
Nigeriyada suv toshqinlari yuzlab mahbuslarning qochishiga yordam berdi
10:06 / 12.09.2024
Samarqandda gaz portlagan «dom» aholisi evakuatsiya qilinmoqda
20:52 / 30.08.2024