Gvatemala AQSh ortidan elchixonasini Al-Qudsga ko‘chirishga qaror qildi
Gvatemala prezidenti Jimmi Morales 24 dekabrda mamlakatning Isroildagi elchixonasini Tel-Avivdan Al-Qudsga ko‘chirishga qaror qilinganini ma'lum qildi.
“Bugun Isroil bosh vaziri Binyamin Netanyaxu bilan gaplashdim. Asosiy mavzulardan biri Gvatemala elchixonasining Al-Qudsga qaytarilishi bo‘ldi. Men tashqi ishlar vaziriga bu xususda tegishli harakatlarni boshlash bo‘yicha ko‘rsatma berdim”, deb yozgan Morales Facebook’dagi sahifasida.
AQSh prezidenti Donald Tramp dekabr oyi boshida Al-Qudsni Isroil poytaxti deb tan olinishini e'lon qilib, AQShning Isroildagi elchixonasini u yerga ko‘chirish haqidagi qarorni imzolagan. Trampning bu qarori Isroilda ijobiy qabul qilingan, biroq qolgan ko‘plab davlatlarda salbiy munosabat uyg‘otgan.
BMT Bosh assambleyasi 21 dekabrda AQShning Al-Qudsni Isroil poytaxti deb tan olish qarorining tan olinmasligi haqidagi rezolyutsiyani qabul qildi. Ovoz berish jarayonida hujjatni 128 davlat qo‘llab-quvvatlagan, 9 davlat, jumladan Gvatemala unga qarshi chiqqan, 35 davlat betaraf qolgan.
Mavzuga oid
22:37 / 28.09.2024
AQShda «Xelen» to‘foni oqibatida 50 dan ortiq inson halok bo‘ldi
18:53 / 28.09.2024
AQSh Davlat kotibi Markaziy Osiyo davlatlari tashqi ishlar vazirlari bilan uchrashdi
13:13 / 28.09.2024
“Mister va missis Ogorodnikoff”: AQShda ishlagan KGB josuslari qanday fosh qilingandi?
12:55 / 28.09.2024