Braziliya sobiq prezidentining pasporti olib qo‘yildi

Braziliyadagi sud mamlakat sobiq prezidenti Luis Inasiu Lula da Silvadan pasportni olib qo‘ydi. Bu haqda Reuters siyosatchining vakiliga tayangan holda xabar bermoqda.

Ta'kidlanishicha, bu da Silva mamlakatdan chiqib ketmasligi uchun lozim. Sababi apelyatsiya sudi unga qarshi korrupsiyada ayblovni o‘z kuchida qoldirdi. Sobiq prezident pasport olib qo‘yilishining ertasi kuni Afrikaga ketishni mo‘ljallagandi.

Avvalroq, da Silvaga 19 yil davomida davlat lavozimlarini egallash taqiqlab qo‘yilgandi.

Kuritiba shahri federal politsiyasining xabar berishicha, da Silva va uning turmush o‘rtog‘i OAS qurilish kompaniyasidan Petrobras davlat neft kompaniyasi bilan bog‘liq noqonuniy sxema natijasida taxminan 748 ming dollar olgan.