Бразилия собиқ президентининг паспорти олиб қўйилди

Фото: Reuters

Бразилиядаги суд мамлакат собиқ президенти Луис Инасиу Лула да Сильвадан паспортни олиб қўйди. Бу ҳақда Reuters сиёсатчининг вакилига таянган ҳолда хабар бермоқда.

Таъкидланишича, бу да Сильва мамлакатдан чиқиб кетмаслиги учун лозим. Сабаби апеляция суди унга қарши коррупцияда айбловни ўз кучида қолдирди. Собиқ президент паспорт олиб қўйилишининг эртаси куни Африкага кетишни мўлжаллаганди.

Аввалроқ, да Сильвага 19 йил давомида давлат лавозимларини эгаллаш тақиқлаб қўйилганди.

Куритиба шаҳри федерал полициясининг хабар беришича, да Сильва ва унинг турмуш ўртоғи OAS қурилиш компаниясидан Petrobras давлат нефть компанияси билан боғлиқ ноқонуний схема натижасида тахминан 748 минг доллар олган.