31 yanvarda janubiy koreyalik chang‘ichilar shimoliy koreyalik sportchilar bilan birga mashg‘ulot o‘tkazish uchun Shimoliy Koreyaga jo‘nashdi. Mashg‘ulotlar Olimpiadaga tayyorgarlik ko‘rish doirasida Kanvondo viloyatidagi “Masikryon” majmuasida o‘tkaziladi. Yonhap axborot agentligining ma'lum qilishicha, Janubiy Koreya delegatsiyasiga 45 kishi, jumladan jurnalistlar va kuzatib boruvchilar guruhi kiradi.
Delegatsiya charter reys bilan Kalma aeroportiga keladi va 1 fevralda Olimpiadada ishtirok etuvchi bir necha shimoliy koreyalik bilan ortga qaytadi.
Ta'kidlanishicha, Seul o‘z safarini Vashington bilan kelishib oldi, chunki o‘tgan yil AQSh Shimoliy Koreya hududida bo‘lgan samolyot va kemalarga AQShga kelishni taqiqlagandi. Shu sababli Janubiy Koreya vakillarining Shimolga tashrifi oxirgi lahzalargacha savol ostida qolayotgandi.
Pyongchangdagi Olimpiada 9-25 fevral kunlari bo‘lib o‘tadi.
