Isroil HHK Suriya hududidagi 12 obektga hujum qildi

Isroil harbiy-havo kuchlari aviatsiyasi Suriya hududidagi 12 ta obektga hujum qildi. Bu haqda Isroil armiyasi saytida xabar berilgan.

Jumladan, uchta havo hujumidan mudofaa batareyasi va Eronning to‘rtta obektiga hujum uyushtirilgan.

Bu kun davomida yuz bergan bombardimonning ikkinchi to‘lqinida yuz bergan. Suriyalik harbiylar yerdan o‘t ochishgan, shu sababdan Isroil shimolidagi havo trevogasi tizimlari ishga tushgan.

Eslatib o‘tamiz, avvalroq Suriya havo hujumidan mudofaa kuchlari Isroil harbiy-havo kuchlarining bir nechta samolyotlariga zarbalar bergani haqida xabarlar tarqaldi.