Isroilning bir nechta samolyotiga zarbalar berildi - Suriya OAV 

Suriya havo hujumidan mudofaa kuchlari Isroil harbiy-havo kuchlarining bir nechta samolyotlariga zarbalar bergan. Isroilliklar samolyotlari Suriya markaziy qismidagi harbiy bazaga hujum qildi. Bu haqda Suriyaning SANA agentligi o‘z harbiy manbalariga asosan xabar bermoqda.

Agentlik xabarida ro‘y bergan hodisa tafsilotlari keltirilmagan. Aniqlik kiritilishicha, Isroil tomonidan “tajovuzkorlik akti” bugun ertalab kuzatilgan. Suriyalik harbiylar bunga javoban “bittadan ko‘p” samolyotga zarba berishgan.

Shu bilan birga, Isroilning Haaretz nashri xabariga ko‘ra, mamlakat shimolida F-16 qiruvchisi qulagan, unga Suriya hududi uzra zarba berilgan. Har ikki uchuvchi omon qoldi.

Gazeta ma'lumotlariga ko‘ra, shanbaga o‘tar tunda Isroil hududida Eronning droni aniqlangan. Isroilliklar uni urib tushirishgan. Shundan so‘ng Isroil Mudofaa armiyasi “Suriyadagi Eron obektlariga” hujum qilgan. Suriya havo hujumidan mudofaa kuchlari harakati natijasida Isroilning bir qiruvchisi yo‘qotilgan. Bundan tashqari, Isroilning qator tumanlarida havo trevogasi tizimi ishga tushgan.