Facebook Tsukerberg uchun xarajatlarni 50%ga oshirdi

Facebook 2017 yilda kompaniya rahbari Mark Tsukerbergning shaxsiy xavfsizligi va xususiy samolyotlardagi parvozi uchun 8,9 million dollar sarflagan, deb yozmoqda CNBC.

2016 yil bilan taqqoslaydigan bo‘lsak, bu xarajatlar 53%ga oshgan. 

2017 yilda Tsukerberg ko‘p vaqtini sayyohatda o‘tkazgan va AQShning ilgari bormagan shtatlariga tashrif buyurgan. Facebook kompaniyasi esa uni kuzatib boruvchi qo‘riqchilar va San-Frantsisko bilan Palo-Alto shaharlaridagi qarorgohlarining xavfsizlik tizimi uchun xarajatlarni qoplab bergan.

Tsukerbergning maoshi esa o‘zgarmagan va 2016 yil darajasida, ya'ni ramziy 1 dollar qiymatida saqlanib qolgan.

Eslatib o‘tamiz, Tsukerberg Facebook kompaniyasining 59,9% aksiyasiga egalik qiladi. Uning boyligi 66 milliard dollarga baholangan.