Armaniston MXX mamlakatda teraktlarning oldi olingani haqida ma'lum qildi

Armaniston Milliy xavfsizlik xizmati mamlakatda teraktlar sodir etishni rejalashtirgan ikki kishi qo‘lga olingani haqida ma'lum qildi. Bu haqda mahkama rasmiy saytida xabar berilgan.

MXX ma'lumotlariga ko‘ra, Armanistonning ikki fuqarosi qo‘lga olingan muxolifatchi Jirayr Sefilyan hamda «Sasna Tsrer» guruhi bilan aloqador bo‘lgan bo‘lib, jamoat joylarida qator portlashlar sodir etishni rejalashtirgan, bu qo‘rquv muhitini yuzaga keltirish uchun qilinmoqchi bo‘lingan.

Xususan, portlashlar Yerevandagi Ozodlik maydonida, shahardagi savdo markazlarining birida, ko‘priklar yaqinida va kommunikatsiya yo‘llari, shuningdek aholi turar-joylari yaqinida rejalashtirilgan.

Eslatib o‘tamiz, avvalroq Yerevanda yana ommaviy qo‘lga olishlar yuz bergani xabar qilingandi.