Tramp KXDRdan sanksiyalarni qanday shartda olib tashlashi aytildi

Foto: AP /Koji Sasahara

AQSh prezidenti Donald Tramp Shimoliy Koreyaga qarshi sanksiyalarni, to Pxenyan o‘z yadroviy arsenalini yo‘q qilmaguncha yumshatmaydi. Bu haqda The Wall Street Journal manbalarga asosan xabar bermoqda.

Nashr ma'lumotlariga ko‘ra, Tramp Shimoliy Koreya yetakchisi Kim Chen In bilan uchrashuv davomida KXDR yadroviy arsenalini yo‘q qilish bo‘yicha tezkor harakatlarni amalga oshirishga chaqiradi.

Ta'kidlanishicha, AQSh prezidenti sanksiyalarni Shimoliy Koreya tomonidan yadroviy va raketa sinovlari muzlatib qo‘yilishiga javoban jiddiy tarzda yumshatish niyatida emas.

Eslatib o‘tamiz, avvalroq Tramp Kim Chen In so‘zlaridan iqtibos keltirgandi.