Трамп КХДРдан санкцияларни қандай шартда олиб ташлаши айтилди

Фото: AP /Koji Sasahara

АҚШ президенти Дональд Трамп Шимолий Кореяга қарши санкцияларни, то Пхеньян ўз ядровий арсеналини йўқ қилмагунча юмшатмайди. Бу ҳақда The Wall Street Journal манбаларга асосан хабар бермоқда.

Нашр маълумотларига кўра, Трамп Шимолий Корея етакчиси Ким Чен Ин билан учрашув давомида КХДР ядровий арсеналини йўқ қилиш бўйича тезкор ҳаракатларни амалга оширишга чақиради.

Таъкидланишича, АҚШ президенти санкцияларни Шимолий Корея томонидан ядровий ва ракета синовлари музлатиб қўйилишига жавобан жиддий тарзда юмшатиш ниятида эмас.

Эслатиб ўтамиз, аввалроқ Трамп Ким Чен Ин сўзларидан иқтибос келтирганди.